Michezo

Matty Longstaff, kiungo anayechezea Klabu ya Newcastle United ambaye umri wake ni miaka 20 amewekwa kwenye tageti na Klabu ya Udinese Calcio ya Italia.

Mkataba wa nyota huyo ndani ya Klabu ya Newcastle United inayoshiriki Ligi Kuu England unafika tamati msimu huu jambo linalowapa nguvu Udinese ya Italia inayoshiriki Serie A kuinasa saini yake.

Kaka wa mchezaji huyo Sean, amesema ikiwa Newcastle wanahitaji huduma ya mdogo wake ni lazima aongezewe dau la kulipwa kwa wiki tofauti na lile alilokuwa analipwa awali ambalo ni paundi 15,000.

June 04, 2020

AZAM FC Wafunguka Kutowahofia Wekundu wa Msimbazi SIMBA

Uongozi wa Azam FC umesema kuwa hauna mashaka na mchezo wao wa Kombe la Shirikisho dhidi ya Simba unaotarajiwa kuchezwa kati ya Juni 27/28 Uwanja wa Taifa.

Mchezo huo wa hatua ya robo fainali umeshika hisia za wengi kutokana na ushindani wa timu hizi mbili kila zinapokutana uwanjani.

Mtendaji Mkuu wa Azam FC, Abdulkarim Amin, amesema kuwa wapo tayari kupambana na mpinzani yoyote uwanjani kutokana na kuwa na kikosi imara.

"Ni ngumu kusema kwamba hatupo tayari ilihali kikosi chetu kipo vizuri na ni mabingwa watetezi, hatuna mashaka dakika 90 huwa hazidanganyi, tutapambana kupata matokeo wapinzani wetu tunawaheshimu ila hamna namna tunahitaji ushindi," amesema.

June 04, 2020

DAVIES; ALIZALIWA KAMBI YA WAKIMBIZI, SASA SHUJAA NDANI YA BAYERN

BUDUBURAM ni kambi ya wakimbizi iliyo kilomita 44 Kaskazini mwa jiji kubwa zaidi nchini Ghana. Hii ni kambi maalum iliyoanzishwa mwaka 1990 baada ya machafuko na vita katika nchi jirani ya Liberia.

Machafuko hayo na vita kati ya 1989 hadi 1996 na palipotulia tena, mambo yakacharuka mwaka 1999 hadi 2003 na kambi hiyo ikaongezewa wakimbizi hadi kufikia idadi ya 12,000.

Kambi hiyo ilikuwa ikiendeshwa na taasisi mbalimbali za kujitolea, ile ya wakimbizi ya Umoja wa Mataifa ya UNHCR lakini pia raia wa Liberia waliokuwa wakiishi nje ya nchi hiyo au wale wenye uwezo.

Maisha katika kambi ya Buduburam hayajawahi kuwa mazuri ana kutokana na msongamano mkubwa wa watu wanaolazimika kuishi chini ya uangalizi kwa kuwa pia si raia wa Ghana.

Kambi hiyo mara nyingi imekuwa na watoto zaidi ya 500 ambao wamekuwa wakipata elimu yao katika eneo hilo na taasisi ya Miller Elementary School ndio iliyojitolea kutoa elimu bure kwa kuwa wazazi wa watoto hao, hawana kitu.

Si kwamba watu walivutiwa zaidi na historia yake ya kuwa aliyeteseka sana na maisha tokea akiwa mtoto mdogo badala yake ni uwezo mkubwa wa kucheza soka ambao ameuonyesha kwa muda mfupi sana.

Bayern Munich ni kama wanaona wamefanikiwa kupata lulu ya jaha kutokana na muda mfupi ambao Davis amekuwa gumzo baada ya kuanza kuitumikia timu hiyo kongwe na kigogo wa soka la Ujerumani.

May 28, 2020

Mkwasa Aeleza Mapungufu Aliyoyaona Yanga, Asema wamepoteza umiliki wa Mpira

Kocha msaidizi wa Young Africans, Charles Boniface Mkwasa amesema amegundua mambo mawili, baada ya kuanza mazoezi ya kikosi cha klabu hiyo jana jioni.

Kikosi cha Young Africans kilianza mazoezi ya kwanza jana may 27,2020 jioni katika uwanja wa shule ya sheria, jirani na kituo cha daladala cha Ubungo Mawasiliano jijini Dar es salaam.

Mkwasa amesema jambo la kwanza ambao ameliona kwa wachezaji wake kuwa walikuwa wakifanya mazoezi ya nguvu zaidi, wakati shughuli za michezo zilipokua zimesimama kupisha vite dhidi ya maambukizi ya virusi vya Corona.

Amesema wachezaji wengi kati ya walioanza mazoezi hawa walikuwa wakifanya mazoezi ya nguvu kuliko kucheza mpira.

“Kwa maana hiyo ni shida ya kwanza ambayo imeonekana kwetu katika mazoezi ya leo (Jana) ambayo tutakwenda kulifanyia kazi,” alisema.

“Tatizo hilo limetokana na wachezaji kuonekana kufanya mazoezi ya nguvu kama ‘beach’ na maeneo mengine.”

May 28, 2020

MALENGO YA OZIL NI KUMALIZANA NA MABOSI WAKE KWANZA NDANI YA ARSENAL

ERKUT Sogot, wakala wa staa wa Arsenal Mesut Ozil amesema kuwa lengo la mteja wake ni kuhakikisha anamaliza muda wake ndani ya kikosi hicho.

Ozil amekuwa akihusishwa kuondoka ndani ya timu hiyo msimu ujao na ikitajwa kuwa anaelekea Uturuki.

Timu ya Fenerbance inatajwa zaidi kuhitaji saini ya kiungo huyo fundi wa mpira.

Wakala huyo amesema Ozil anataka kufanya kazi na Arsenal iliyo chini ya Kocha Mkuu, Mikel Arteta.

May 21, 2020

Michezo Tanzania Kuendelea Kutimua Vumbi June Mosi

JOHN Pombe Magufuli Rais wa Jamhuri ya Muungano wa Tanzania amesema kuwa masuala ya michezo ikiwa ni pamoja na Ligi Kuu Tanzania Bara ni ruksa kuchezwa kuanzia Juni Mosi 2020.

Magufuli amesema sasa michezo ni ruhusa kuendelea kuanzia Juni Mosi ikiwa ni pamoja na Ligi Kuu Bara, daraja la Kwanza na mingine. Pia michezo ya majeshi, mambo ya sanaa.

Suala la mashabiki uwanjani ameliacha kwa Wizara ya Afya.
Mbali na michezo Rais Magufuli ameruhusu kufunguliwa kwa vyuo na wale wa kidato cha sita huku akiwataka wa shule ya msingi kusubiri kwanza.

Masuala yote ya mijumuiko isiyo ya lazima ilisimamishwa Machi 17 kutokana na Janga la Virusi vya Corona ambapo kwa sasa Serikali imesema kuwa hali ni shwari nchini.

May 21, 2020

Maambukizi ya Corona Yabatilisha michongo ya Dilunga

HASSAN Dilunga, kiungo mshambuliaji wa Simba amesema kuwa janga la Corona limebatilisha mipango mingi ambayo ilibidi iendelee.

Kabla ya Ligi Kuu Bara kusimamishwa Machi 17 na Serikali kupitia kwa Wazir Mkuu, Kassim Majaliwa kutokana na maambukizi ya Virusi vya Corona Dilunga alikuwa kwenye ubora wake.

Timu ya Simba ikiwa imefunga mabao 63 amehusika kwenye mabao tisa akifunga sita na kutoa pasi tatu za mabao.

Dilunga amesema: "Mambo mengi yamebadilika na kwenda vile ambavyo hatukutarajia lakini hakuna namna ni lazima tahadhari ichukuliwe na wakati ukifika mambo yatakuwa kama ambavyo tulikuwa tumezoea."

May 19, 2020

Uongozi wa Namungo Kumwachia Nyota wao kutimkia Yanga

UONGOZI wa Namungo FC umesema kuwa iwapo Yanga inahitaji saini ya nyota wao Bigirimana Blaise ni suala la kuzungumza kwani inawezekana.

Imekuwa ikielezwa kuwa Yanga inahitaji kuboresha safu ya ushambuliaji na inahitaji kupata saini ya Blaise anayekipiga Namungo.

Blaise amefunga mabao 10 ndani ya timu hiyo iliyo nafasi ya tano ikiwa imefunga mabao 34 na ina pointi 50 kibindoni.

Afisa Habari wa Namungo FC, Kidamba Namlia amesema kuwa wamekuwa wakiskia kuwa Blaise anahitajika na Yanga ila halijafika mezani suala hilo.

"Yanga hawajaja mezani na imekuwa ikielezwa kuwa wanahitaji saini ya Blaise kama ni kweli waje mezani tuzungumze," amesema.

May 19, 2020

Newcastle Kumsaini Mshambuliaji wa Real Madrid Msimu huu.

Newcastle wako tayari kutumia £53m kumpata mshambuliaji wa Real Madrid, Gareth Bale, 30, mpango ambao ukifanikiwa utamrejesha nyota huyo katika ligi kuu ya England msimu huu. (Daily Mail)

Tottenham haitakubali Tanguy Ndombele, 23, kuondoka klabu hiyo msimu huu. Kiungo huyo wa kati wa Mfaransa amehusishwa na tetesi za kujiunga na Barcelona na Liverpool. (Independent)

Dejan Lovren anakaribia kuondoka Liverpool, huku Roma ikitarajiwa kuwasilisha ofa ya kumnunua beki huyo wa Croatia wa miaka 30. (Gazzetta dello Sport, via Liverpool Echo)

Liverpool imeungana na miamba wengine wa Ulaya kumsaka kiungo wa kati wa Red Bull Salzburg na Hungary Dominik Szoboszlai,19. (Tuttosport, via Daily Mail)

May 14, 2020

Mwamnyeto Aweka Wazi Kujiunga na Timu ya wananchi YANGA

NAHODHA na beki wa kati wa Coastal Union ya Tanga, Bakari Nondo Mwamnyeto amesema kuwa kama mazungumzo yakienda vizuri, basi huenda akatua kukipiga Yanga siku chache zijazo.

Awali, beki huyo alikuwa anawaniwa vikali na Simba iliyokuwa na mipango ya kumsajili katika kuiboresha safu yao ya ulinzi inayoongozwa na Pascal Wawa na Erasto Nyoni kabla ya kushindwana kwenye dau la usajili ambalo ni Sh Mil. 100.

Mwamnyeto amesema kuwa Yanga ndiyo iliyoonyesha nia ya kumpa mkataba wa miaka miwili kukipiga Jangwani.

“Ni mapema kuzungumzia wapi ninakwenda, kwani bado muda wa usajili na isitoshe bado nina mkataba wa mwaka mmoja wa kuichezea Coastal.

“Lakini nipo kwenye mazungumzo mazuri na Yanga, kama mazungumzo yakienda vizuri basi nitasaini kuichezea baada ya usajili kufunguliwa, hivi sasa nakamilisha baadhi ya vitu vya msingi ndani ya klabu yangu ninayoichezea.

Kwa mujibu wa Mkurugenzi Uwekezaji wa Kampuni ya GSM, Injinia Hersi Said juzi alisema kuwa wameandaa utaratibu mzuri wa utambulisho wa wachezaji wao wapya watakaowasajili kabla ya siku ya tamasha lao kubwa la Wiki ya Mwananchi.

May 14, 2020

Kiungo wa Atalanta ya Italia, Andrea Rinaldi Afariki dunia

KIUNGO wa Atalanta ya Italia, Andrea Rinaldi, amefariki dunia akiwa na miaka 19 baada ya mishipa yake ya damu katika ubongo kukumbwa na tatizo.

Tatizo hilo lilimpata Ijumaa iliyopita wakati akifanya mazoezi binafsi nyumbani kwake kipindi hiki ambacho kuna katazo la kuepuka mikusanyiko kutokana na uwepo wa corona.

Baada ya kukaa hospitali kwa takribani siku tatu, jana Jumatatu alifariki dunia.

Rinaldi amekulia katika timu ya vijana ya Atalanta na mpaka anafikwa na umauti, alikuwa akiichezea Legnano kwa mkopo ikiwa ni timu inayoshiriki Serie D. Alicheza mechi 23 na kufunga bao moja msimu huu.

Kiungo huyo alikuwa na Atalanta iliyopo Serie A tangu akiwa na miaka 13, ameshinda Kombe la Ligi la vijana chini ya miaka 17 na Super Cup mwaka 2016.

May 12, 2020

YKIPE Gislain Aiomba Yanga Kumpa Muda Ili Aoneshe Ujuzi ambao Hawajauona

YKIPE Gislain mshambuliaji wa Yanga amesema kuwa anaomba apewe muda zaidi ndani ya clabu hiyo ili kuonyesha uwezo wake wote.

Nyota huyo alisajiliwa akitokea Klabu ya Gor Mahia ambapo alivunja mkataba wake ili kukipiga ndani ya clabu hiyo Desemba mwaka jana.

amefunga bao moja ndani ya Ligi Kuu Bara ilikuwa mbele ya Singida United wakati Yanga ikishinda mabao 3-1.

Yikpe amesema:" Nataka kuondoka ndani ya Yanga nikiwa nimeweka historia na kufanya makubwa kwa ajili ya timu yangu hivyo ninahitaji nafasi.

"Nimeshindwa kufanya makubwa kwa kuwa nilikuwa sipati nafasi nikipata nafasi pale ligi itakaporejea sitafanya makosa,".

May 12, 2020

INTER MILAN Hawana Mpango Kivile na Sanchez

Kocha Mkuu wa Inter Milan Antonio Conte, inaelezwa kuwa hana mpango wa kumsajili moja kwa moja nyota wa Manchester United, Alexis Sanchez anayecheza kwa mkopo ndani ya klabu hiyo.

Sanchez amekuwa kwenye kiwango cha chini ndani ya Inter Milan ambapo ameweza kucheza mechi 15 pekee na kufunga bao moja.

Inaelezwa kuwa mabosi wake United hawana hesabu za kumvuta ndani ya klabu hiyo wanataka kumuacha jumlajuma na winga huyo raia wa Chile.

Sanchez amekuwa na hali ngumu ndani ya uwanja tangu alipoondoka Arsenal hata maisha yake ndani ya Inter Milan yalikuwa na maumivu ndani ya uwanja.

May 7, 2020

Uongozi Wa Simba Kumruhusu Ajibu Kuondoka

Uongozi wa Simba wamesema kuwa wamemruhusu kiungo wao, Ibrahim Ajibu kuondoka muda wowote atakaohitaji na kwenda kujiunga na klabu nyingine itakayomuhitaji kwa masharti, ikiwemo Yanga.

Hii imekuja siku chache tangu taarifa kuzagaa kuwa mchezaji huyo anataka kuondoka kwenye kikosi hicho na kujiunga na timu moja ya nje ya nchi.

Ajibu alijiunga na Simba msimu huu kwa dau la Sh Mil 80 akitokea Yanga mara baada ya mkataba wake wa miaka miwili kumalizika. Inaelezwa kuwa timu hiyo imemruhusu kiungo huyo kuondoka lakini lazima masharti maalum yafuatwe.

Mtoa taarifa huyo alisema kiungo huyo wakati anasajiliwa na Simba, viongozi walitegemea kuona makubwa kutoka kwake, lakini imekuwa tofauti baada ya staa huyo kupoteza nafasi ya kucheza katika kikosi cha kwanza.

“Wakati anasajiliwa na Simba akitokea Yanga, mabosi walikuwa wana matarajio makubwa ya kumuona Ajibu akicheza kwa mafanikio katika msimu huu, lakini imekuwa tofauti na matarajio yao.

“Hivyo, viongozi wamepata taarifa za Ajibu kutakiwa na moja ya klabu kutoka nje ya nchi, hivyo uongozi umekubali kuachana naye kwani hayupo kwenye mipango ya kocha kuelekea msimu ujao, siyo nje tu ikija timu yoyote hata Yanga tunamruhusu.

May 7, 2020

Barcelona ina Mpango Wa Kumrejesha OLMO

DANI Olmo nyota anayekipiga ndani ya Klabu ya RB Leipzig ya Ujerumani inatajwa kuwa anaweza kurejea ndani ya Klabu ya Barcelona.

Mchezaji huyo mwenye miaka 21 alisepa ndani ya Barcelona Januari 2020 na kuibukia ndani ya Bundesliga.

Alikuwa ndani ya kituo cha kukuza vipaji ndani ya Barcelona kinachoitwa La Masia akiwa na umri wa miaka tisa.

Kiungo huyo mshambuliaji alitua ndani ya Klabu ya RB Leipzig akitokea Klabu ya Dinamo Zagreb ambapo alicheza jumla ya mechi 80 na kutupia mabao 20.

May 4, 2020

Rais Magufuli Huenda Akaruhusu Ligi Tanzania Kuendelea Bila Kuhofia Corona

Rais wa Tanzania John Pombe Magufuli amesema huenda akaruhusu ligi za Tanzania kuendelea kuchezwa licha ya janga la Corona kuendelea kuwepo.

Rais Magufuli amesema iwapo washauli wake watamshauri kuruhusu michezo iendelee basi atafanya hivyo kutokana na kuwa wanamichezo wengi hawana maambukizi nakuwa huenda kuendelea kuzuia michezo kukawa chaanzo cha wao kupata Corona.

Kauli hiyo ya Rais Magufuli kuhusu michezo imejili wakati akimwapisha waziri wa Katiba na sheria Mwingulu Nchemba may 3 2020 baada ya aliyekuwa waziri wa wizara hiyo Balozi Augustine Mahiga kufariki dunia.

May 4, 2020

Goal Keeper Yanga Akwana Kenya Kisa Corona.

Farouk Shikalo, kipa namba moja wa Yanga amekwama nchini Kenya ambako alikwenda kwa ajili ya mapumziko yaliyotolewa na Serikali kutokana na maambukizi ya Virusi vya Corona.

Ofisa Habari wa Yanga, Hassan Bumbuli amesema kuwa wachezaji wote wa kigeni kwa sasa wapo nchini isipokuwa Shikalo ambaye yupo Kenya.

"Wachezaji wote wakigeni wapo hapa Bongo kwa sasa isipokuwa Shikalo ambaye yupo Kenya alikokwenda kwa ajili ya mapumziko ila kwa sasa mipaka imefungwa kutokana na maambukizi ya Virusi vya Corona," .

Ligi Kuu Tanzania Bara ilisimamishwa Machi 17 kutokana na maambukizi ya Virusi vya Corona lakini may 3 wakati

May 4, 2020

Chelsea Kumsajili kiungo wa Barcelona Coutinho,

Chelsea iko mbioni kumsajili kiungo wa Barcelona na Brazil Philippe Coutinho, 27, ambaye anacheza katika kikosi cha Bayern Munich kwa mkopo. (Sun)

Tottenham watamlenga beki wa kati Issa Diop, 23 na mshambuliaji wa Wolves na Mexico, Raul Jimenez, 28, katika uhamisho wa gharama ya pauni milioni 96.9. (Football365)

Wakala wa Jorginho anasema kuwa wataingia kwenye mazungumzo kuhusu mkataba mpya na Chelsea baada ya kuwepo kwa tetesi kuwa kiungo huyo, 28 ,atamfuata kocha wa zamani Maurizio Sarri huko Juventus. (Calciomercato - in Italian)

April 22, 2020

Wadau wa soka kutangaza mipango ya kurudi kwa mechi za Bundesliga

Mamlaka husika za mchezo wa soka nchini Ujerumani zinajiandaa Alhamisi april 23, kutangaza mipango ya kuanza kwa mechi za ligi ya Ujerumani, Bundesliga zitakazochezwa bila ya mashabiki viwanjani kuanzia Mei 9.

Hata hivyo uwezekano wa kurudi kwa mara ya kwanza kwa ligi kuu ya Ulaya katika kipindi hiki cha janga la Corona unakabiliwa na upinzani kutoka kwa baadhi ya wadau.

Serikali ya Kansela Angela Merkel inachukua hatua za kuondoa taratibu zuio la shughuli za kijamii nchi nzima na hatua ya kurudi kwa michuano ya ligi ya Ujerumani Bundesliga iliyosimamishwa tangu Machi 13 kutaitia nguvu Ujerumani ambayo wananchi wake wengi ni mashabiki wa soka.

April 22, 2020

Simba Yataja Sababu za Kumlinda Chama, ishu ipo TFF kwa sasa

UONGOZI wa Simba umesema kuwa miongoni mwa sababu kubwa zinazowafanya wailinde saini ya nyota wao Clatous Chama ni pamoja na kuthamini mchango wake alioufanya ndani ya Klabu ya Simba.

Chama amewaweka kwenye mvutano mkubwa Simba na watani zao wa jadi Yanga kutokana na kile ambacho Yanga walieleza kuwa walikuwa na mazungumzo naye ili kuipata saini yake.

Ofisa Habari wa Simba, Haji Manara amesema kuwa miongoni mwa kazi ambayo Chama ameifanya ni pamoja na kuifikisha Simba hatua ya makundi ya Ligi ya Mabingwa Afrika.

"2018 bao lake la kisigino lipo kwenye kumbukumbu tena aliwafunga ndugu zake wa Zambia likatupeleka kwenye hatua ya makundi ya Ligi ya Mabingwa Afrika, hapo akitokea mtu akaleta utani juu yake ni lazima twende naye sawa.

"Tunatambua umuhimu na kanuni za usajili hivyo ni lazima kila kitu kifuate ule weledi na kuzingatia kanuni kwani mambo yapo wazi, Chama ni mchezaji wetu na ana mkataba mrefu ndani ya Simba.

"Zile presha ambazo tuliwapa kupitia kwa mchezaji wao Papy Tshishimbi wasifikirie kuzileta kwetu kupitia Chama, hilo haliwezekani," amesema.

Makamu Mwenyekiti wa Yanga, Fredrick Mwakalebela amesema kuwa suala la Chama wao walichukulia ni sehemu ya utani hivyo wanawaomba radhi mashabiki wa Simba na uongozi kiujumla.

Ishu ya Chama kwa sasa imetinga Shirikisho la Soka la Mpira Tanzania (TFF) ambapo Simba imepeleka malalamiko kwa kueleza kuwa Yanga imeelezwa kuwa imefanya mazungumzo na mchezaji wao Chama ilihali ana mkataba kwa sasa.

April 16, 2020

Msuva Atamani Kurejea Bongo Ila Amekwama

SIMON Msuva nyota wa Timu ya Taifa ya Tanzania anayekipiga El Jadid ya nchini Morocco amesema kuwa kwa sasa anatamani kurudi nyumbani Tanzania ila amekwama kutokana na mipaka kufungwa.

Msuva anakipiga soka la kulipwa akiwa pamoja na mzawa mwingine Kibabage zao la Mtibwa Sugar ambaye wamekuwa wakifanya naye mazoezi nyumbani.

Wakati huu wa kujilinda na maambukizi dhidi ya Virusi vya Corona, tahadhari imekuwa ikichululiwa kwenye nchi nyingi ambao Morocco wamefunga mipaka kwa muda ili kusubiri hali iwe shwari.

Msuva amesema:"Ninaendelea salama ila nilikuwa ninapenda kurejea Bongo kuwa karibu na familia pamoja na jamaa lakini mambo yamekuwa magumu kwangu siwezi kurudi kwa sasa, sina ruhusa ya kutoka pia mipaka imefungwa.

"Kikubwa kwa sasa ni kila mmoja kuchukua tahadhari ili awe salama kwani afya ni jambo la msingi kwa kila mmoja,".

April 16, 2020

KAGERA SUGAR WAWAOMBA MASHABIKI KUENDELEA KUCHUKUA TAHADHARI DHIDI YA VIRUSI VYA CORONA.

MECKY Maxime, Kocha Mkuu wa Kagera Sugar amesema kuwa ni muhimu kwa wachezaji na mashabiki kuendelea kuchukua tahadhari juu ya Virusi vya Corona.

Maxime amesema kuwa kila mmoja ni wajibu wake kuchukua tahadhari na kujilinda dhidi ya Virusi vya Corona.

"Kila mmoja ni wajibu wake kuchukua tahadhari na kujilinda dhidi ya Virusi vya Corona kwani wakati uliopo kwa sasa wa maabukizi ni muhimu kila mmoja kujilinda.

"Wachezaji pia na mashabiki ni muhimu kutambua kwamba afya ni bora na ili iwe bora inabidi ilindwe," amesema.

April 14, 2020

GUARDIOLA ANAWEZA KUONDOKA NDANI YA MANCHESTER CITY, SABABU YATAJWA

EMANUEL Petit, mkongwe wa zamani wa timu ya Arsenal na timu ya Taifa ya Ufaransa amesema kuwa Kocha Mkuu wa timu hiyo Pep Guardiola anaweza kusepa ndani ya kikosi hicho.

Nyota huyo amesema sababu itakayomfanya Guardiola kusepa ndani ya mabingwa watetezi wa Ligi Kuu England ni kushindwa kujinasua kwenye sakata la kufungiwa na UEFA..

City imefungiwa na UEFA kushiriki Ligi ya Mabingwa Ulaya kwa muda wa miaka miwili mfululizo kwa kuvunja sheria ya usajili na ilipigwa faini pia.

"Nafikiri Guardiola anaweza kuondoka ndani ya City kama wasipojinasua katika hili japo uamuzi unabaki kwake kwa sasa.Kwa sasa amesema kuwa amechoka kuwa kocha huenda ikawa ni sababu yake kuondoka.

"Sijui ambacho kitatokea ila hofu yangu siyo kwamba watakosa kocha mpya hapana najua atakuja kocha mwingine kwani hawezi kufundisha milele ila wasiwasi wangu ni kwenye uwekezaji wao, huenda watapa hasara," amesema.

April 14, 2020

Busara Na Hekima Zinahitajika Kuinusuru Ligi Kuu Tanzania Bara Wakati Wamaamuzi

TANGU Machi 17, mwaka huu lilipotoka tamko la Serikali kuzuia mikusanyiko isiyo ya lazima na kusitisha shughuli mbalimbali ikiwemo michezo kutokana na janga la Virusi vya Corona, kuna maoni mbalimbali yamekuwa yakitolewa.

Tamko la Serikali ni ndani ya siku 30 ndiyo marufuku hiyo itatakiwa kufuatwa, lakini pia itaangalia na namna hali ya hewa itakavyokuwa kwa maana ya hivyo virusi vitakuwaje maambukizi yake.

Kusimamishwa kwa michezo kumezifanya ligi zetu kusimama, hii si Tanzana tu, bali ulimwenguni kote kwa sasa. Hapo awali ilikuwa kwa baadhi ya nchi, lakini sasa ni kote.

Bado hatujafahamu siku sahihi ambayo ligi yetu itaendelea, lakini kwa taarifa za awali hizo siku 30 zilizotolewa awali ni sehemu ya kuangalia namna tatizo litakuwaje.

Lakini upande mwingine kuna watu wamekuwa wakitoa maoni kwamba ni bora msimu huu ufutwe, tuanze upya msimu ujao.

Ni mawazo ya mtu au watu fulani ambayo kufuatwa ni uamuzi wa wenye mamlaka, lakini si vibaya kuyachukua mawazo hayo.

Katika namna ya kutoa uamuzi, suala hilo lipo chini ya mamlaka husika kwa maana ya Shirikisho la Soka Tanzania (TFF) ambalo lina kamati zake zinazosimamia ligi zetu.

April 9, 2020

ROMA YANOGEWA NA HUDUMA YA SMALLIG YAITAKA SAINI YAKE

CHRIS Smalling anayekipiga ndani ya Roma kwa mkopo akitokea katika Manchester United inasemekana Man U inampango wa kumrejesha msimu ujao.

Mabosi wa Roma tayari nao wamenogewa na huduma ya nyota huyo wanahitaji kuipata pia saini yake.

Msimu uliopita Smalling alishindwa kutamba ndani ya Man United katika mechi 24 za Premier League nambayo ilimaliza msimu ikiwa nafasi ya sita.

Roma imekuwa na maombi kuwa staa huyo asalie katika klabu hiyo kwa kutoa kitita cha pauni milioni 25, lakini Man United haijasema chochote mpaka sasa.

April 9, 2020

AINSLEY Cory Maitland-Niles hana uhakika ndani Arsenal

AINSLEY Cory Maitland-Niles, raia wa Uingereza hana uhakika wa kubaki ndani ya kikosi cha Arsenal kwa sasa.

Mikel Arteta, Kocha Mkuu wa Arsenal amekuwa hana mpango wa kumtumia nyota huyo kwenye mechi zake za hivi karibuni kabla Ligi Kuu England haijasimamishwa kutokana na kupisha janga la Virusi vya Corona.

Kiungo huyo mwaka 2015-16 alikipiga ndani ya Ipswich Town kwa mkopo ana umri wa miaka 22 alizaliwa Agosti 29,1997.

Nyota huyo anakipiga kwenye timu ya chini ya miaka 23 ndani ya Arsenal ambapo amecheza mechi moja na hajafunga bao wala kutoa pasi ya bao.

March 31, 2020

AINSLEY Cory Maitland-Niles hana uhakika ndani Arsenal

AINSLEY Cory Maitland-Niles, raia wa Uingereza hana uhakika wa kubaki ndani ya kikosi cha Arsenal kwa sasa.

Mikel Arteta, Kocha Mkuu wa Arsenal amekuwa hana mpango wa kumtumia nyota huyo kwenye mechi zake za hivi karibuni kabla Ligi Kuu England haijasimamishwa kutokana na kupisha janga la Virusi vya Corona.

Kiungo huyo mwaka 2015-16 alikipiga ndani ya Ipswich Town kwa mkopo ana umri wa miaka 22 alizaliwa Agosti 29,1997.

Nyota huyo anakipiga kwenye timu ya chini ya miaka 23 ndani ya Arsenal ambapo amecheza mechi moja na hajafunga bao wala kutoa pasi ya bao.

March 31, 2020

Tanzia: Mjumbe kamati ya uchaguzi Simba Afariki Dunia

ALIYEKUWA Mjumbe wa Kamati ya Uchaguzi ya klabu ya Simba, Idd Hashimu Mbitta amefariki dunia Alfajiri ya leo Jijini Dar es Salaam.

“Uongozi wa klabu ya Simba umepokea kwa masikitiko makubwa taarifa za kifo cha aliyekuwa Mjumbe wa Kamati ya Uchaguzi, Iddi Mbita kilichotokea leo Alfajiri ya Machi 31, 2020 Jijini Dar es Salaam,” imesema taarifa ya SImba SC leo.

Naye Mwenyekiti wa Bodi ya klabu ya Simba SC, Mohamed ‘Mo’ Dewji amesema ameumizwa mno na kifo cha Mbitta kwa sababu wamesoma pamoja shule ya Arusha, wamekuwa marafiki wa muda mrefu.

Rais wa Shirikisho la Soka Tanzania (TFF), Wallace Karia ametuma salamu za rambirambi kwa familia ya marehemu Brigedia Hashimu Mbitta kufuata msiba huo.

March 31, 2020

Mmiliki wa Leeds United Andrea Radrizzani amedokeza kuwa alijaribu kumsajili mshambuliaji wa Paris St-Germain na Uruguay Edinson Cavani, 33 pamoja na mshambuliani wa Sweden Zlatan Ibrahimovic, 38, ambaye alijiunga na AC Milan, dirisha la uhamisho wa wachezaji lilipofunguliwa. (Mail)

Manchester United wanaongoza kinyanganyiro cha kumsaka mshambuliaji wa England Jadon Sancho, 20, kutoka Borussia Dortmund dirisha la uhamisho litakapofunguliwa tena msimu wa joto. (Independent)

Real Madrid wana matumaini mkataba wa kupata pesa na mchezaji itasaidia kuishawishi Arsenal kumuachilia mshambuliaji wa Gabon Pierre-Emerick Aubameyang, 30. (Star)

Manchester United wako tayari kumruhusu beki wa England Chris Smallin kugeuza mkataba wake wa mkopo Roma kuwa wa kudumu, bora uwawezeshe kumpata beki wa Napoli na Senegal Kalidou Koulibaly, 28. (La Gazzetta dello Sport, via Mail)

Arsenal wamewasilisha ofa ya kumnunua Smalling dirisha la uhamisho litakapofunguliwa msimu wa joto, lakini Manchester United wanataka £25m. (Metro)

March 26, 2020

Mshambuliaji Club Ya Simba atachelewa kurejea Tanzania sababu ikitajwa kuwa Corona

Mshambuliaji wa Simba Meddie Kagere atachelewa kurejea nchini Tanzania kufuatia Shirika la Ndege la RwandAir kufuta safari zake zote kwa muda wa siku 30.

Hali hiyo imekuja kutokana na kusambaa kwa Ugonjwa wa Covid-19 unaosababishwa na Virusi vya Corona.

Kagere ni kinara wa kutupia akiwa ametupia mabao 19 huku Reliants Lusajo wa Namungo, Paul Nonga wa Lipuli, Yusuph Mhilu wa Kagera Sugar wakiwa wametupia mabao 11

Taarifa iliyotolewa Jumapili na shirika hilo ilisema kuwa imeamua kufuta safari zake zote kwa muda wa siku 30 kutokana na taarifa iliyotolewa na wizara ya afya ya nchi hiyo kufuatia kuwepo kwa ugonjwa huo.

Kagere kwa sasa yupo Rwanda ambapo amekwenda kwa ajili ya mapumziko amesema kuwa suala la kurejea Bongo litategemea hali itakavyokuwa.

March 26, 2020

Kocha Ndayiragije Kukifumua Upya Kikosi Taifa Stars

KOCHA Mkuu wa timu ya soka ya taifa ya Tanzania, Etienne Ndayiragije amesema atalazimika kuita wachezaji wapya wa kuunda kikosi cha Taifa Stars mara ratiba mpya itakapotolewa kulingana na uwezo wa wachezaji kwa wakati huo baada ya kuvunja kambi hivi karibuni.

Taifa Stars ilivunja kambi yake ya kujiandaa na mechi ya kufuzu (AFCON) dhidi ya Tunisia pia kujiwinda na michuano ya Ubingwa wa Mataifa Afrika, (CHAN) inayohusisha wachezaji wanaocheza ligi za nchin mwao pekee kutokana na kuahirishwa kwa michuano yote sababu ya mlipuko ya virusi vya corona duniani kote.

Katkati ya mwezi huu, Shirikisho la Soka Afrika (CAF) lilisimamisha mechi zote za kufuzu za mashindano ya Afrika kwa ushauri wa Shirika la Afya Dunani (WHO) kwa ugonjwa COVID-19 unaosababishwa na virusi vya corona.

Mechi zilizofutwa ni za tatu za na za nne kufuzu Fainali za AFCON 2021 ambazo zilipangwa kufanyika kati ya Machi 25 na 31 mwaka huu, kufuzu Fainali za Kombe la Dunia la Wanawake chini ya umri wa miaka 20 zilizopangwa kufanyika kati ya Machi 20 na 22 na marudiano Machi 27 na 29 mwaka huu.

March 24, 2020

Mecky Mexime Atembea na mikataba ya Yanga Mikononi.

KOCHA wa Kagera Sugar Mecky Mexime amefichua kwa mara ya kwanza kuwa anatakiwa na klabu ya Yanga ameshapewa mkataba huo tangu mwishoni mwa mwaka jana, lakini kuna baadhi ya vipengele havijakaa sawa hivyo bado hajasaini mkataba huo wala kuurudisha.

Mexime beki na Nahodha wa zamani wa timu ya taifa ya Tanzania, Tafa Stars amesema kwamba kuzifundisha timu za Simba, Yanga au Azam ni rahisi sana kuliko vilabu vingine vya Tanzania.

Inaaminika, Mwenyekiti wa Yanga SC, Dk. Mshindo Msolla ni shabiki mkubwa wa Mexime tangu anacheza nafasi za ulinzi klabu ya Mtibwa Sugar ya Morogoro.

Yanga ilitaka kumpandisha Mkwasa hadi kuwa Mkurugenzi wa Ufundi, lakini ikazimika kumfanya Msaidizi wa Eymael kutokana na Mexime kusita kusaini mkataba.

March 24, 2020

Club ya Mtibwa sugar wapewa jukumu jipya

UONGOZI wa Mtibwa Sugar umesema kuwa kwa sasa wachezaji wanapaswa watulie na familia zao na kutoa elimu kuhusu Virusi vya Corona.

Akizungumza na Saleh Jembe, Ofisa Habari wa Mtibwa Sugar, Thobias Kifaru amesema kuwa kwa sasa wamevunja kambi kufuatia agizo la Serikali.

"Tumevunja kambi kutokana na agizo la Serikali kutoruhusu mikusanyiko isiyo ya lazima ili kujikinga na kusambaa kwa Virusi vya Corona, tumewaambia wachezaji kwamba wanapaswa watulie na familia na kutoa elimu bora ya kujikinga na virusi kwani wao ni mabalozi.

"Kwa sasa hatutakuwa na kambi tumeivunja rasmi kila mchezaji ataendelea na ratiba zake akiwa nyumbani, ni matumaini yetu baada ya muda hali itatengamaa na maisha yataendelea," amesema.

March 20, 2020

Kocha wa Yanga "Nilitaka kuja Tanzania miaka minne iliyopita"

KOCHA Mkuu wa Yanga, Luc Eymael,amesema kuwa alikuwa ana mpango wa kuja Tanzania miaka minne iliyopita lakini mambo hayakuwa kama alivyotarajia na kupelekea muda huo akabaki Afrika Kusini.

Kwa sasa Eymael anakiongoza kikosi cha Yanga ambacho kinashiriki Ligi Kuu Tanzania Bara akipokea kijiti cha aliyekuwa Kocha Mkuu, Mwinyi Zahera ambaye alipigwa chini kutokana na kile kilichoelezwa kuwa ni mwenendo mbovu wa timu.

Eymael amesema :"Nilikuwa nina mpango wa kuja Bongo miaka minne iliyopita kuifundisha Yanga, sababu kubwa nilikuwa napenda kuja Tanzana ila mambo hayakwenda sawa.

"Kwa sasa nipo ndani ya Yanga ninaendelea na maisha na kuna mengi ambayo ninayafanya ila yote kwa yote ninafurahi kuwa Tanzania," amesema Eymael.

Mpaka serikali ya Tanzania inatoa maelekezo ya kusitisha michezo ukiwemo mpira wa miguu, katika ligi kuu mpaka sasa club hiyo ya Yanga ipo nafasi ya Tatu ikiwa na alama zake 51 huku watani wao wa jadi Simba SC wakiongoza ligi kwa alama 71.

March 20, 2020

TFF imemtangaza Mkurugenzi wa Ufundi msomi kuliko wote

Shirikisho la soka Tanzania TFF leo limetangaza vigezo ilivyovitumia kumuajiri Oscar Mirambo kuwa mkurugenzi mpya wa ufundi wa TFF, Mirambo ambaye ana leseni daraja B ya ukocha kabla ya kutangazwa kuwa mkurugenzi wa ufundi alikuwa kocha.

Mirambo alikuwa kocha msaidizi wa kikosi cha Serengeti Boys kilichoshiriki fainali za mataifa ya Afrika U 2017 nchini Gabon na yale yaliofanyika Tanzania kama mwenyeji alikuwa kocha mkuu licha ya kuwa haikupata matokeo chanya sana, hizi ndio sifa na CV ya Oscar Mirambo zilizotangazwa na katibu jana.

October 18,2019